هزارک -
آهنگ: دوست محمد/
شاعر: حسن شيدا
«روايت زلزله عظيم قوچان»1311
ای آقالر سيزه بيان ايله¬يم
قوچان خراب اولدی دينگ ايللره
حکايتين بيرين بيرين سويله¬يم
قوچان خراب اولدی دينگ ايللره
ناگهاندن گلدی عجيب زلزله
مينگ اوچ اوز اون بيرده سالدی ولوله
اولدوروبدی اون مينگ آدمی بيله
قوچان خراب اولدی دينگ ايللره
اميرحسين گيتدی ايلين سروری/
اويدی خراسانده خلقين رهبری
يخلدی مسجدلر سندی منبری
قوچان خراب اولدی دينگ ايللره
امير گيتدی قوچان قفلی آچلدی
آوازه¬سی دورت محله ساچيلدی
سيندی عمارتلر مالی داغلدی
قوچان خراب اولدی دينگ ايللره
قوچان ايدی خراسانينگ لنگری
آشنالر آخ چکدی ايراقدن بری
سيه¬بوش ايتدلر مسجد منبری
قوچان خراب اولدی دينگ ايللره
اميرحسين خان او دولتين باشی
ايرگ¬لر جزّلار گؤزلرده ياشی
باتوردی خراسانينگ سرداشی
قوچان خراب اولدی دينگ ايللرده
بيله طوفان قوندی قوچان اوستونده
آبادليق قالمدی بلند پستنده
عمارت ¬لر قالدی يرينگ آستنده
قوچان خراب اولدی دينگ ايللره
آهنگ: ياشلی
روايت : همراه و صيادخان
آيريليق وعده¬سی گلدی يتشدی
قال مراديم گؤزی ياشلی قال ايندی
قارلی قارلی داغلر آرايه دوشدی
قال مراريم گؤزی ياشلی قال ايندی
غنچه گله خزان يلی دگمه¬سون
الف قدين ستم يوکی اگمه¬سون
دشمن سوزی اورگينی دوگمه¬سون
قال مراريم گؤزی ياشلی قال ايندی
هيچ قيز منيم کيمين گلين اولمه¬سون
قزل يوزی يار هجرينده سول¬مه¬سون
ايکی ديدار قيامته قالمه¬سون
گيت همراهيم ساغليق اينن گله¬سن
بو غملری قسمت ايتدی ياراتن
محبت¬لر گوترلدی آرادن
من غريب تک گدر اولديم بورادن
سن صنم تک گؤزی ياشلی قال ايندی
شاه مردان بويور قنی اورم
زحمت چکوب قايقی غملر ييرم
حکم اولوبدور دوره بيلمم گيدرم
قال مراريم گؤزی ياشلی قال ايندی
قادر الله اوستيميزده دالده دور
بلبليک ناله¬سی غنچه گلده دور
حاليم پريشان دور گؤزيم يولده دور
گيت همراهيم ساغليق ايلدن گله¬سن
همراه¬دير دوشديم عشقينگ يولينه
عاشق اولدوم بو قرا گؤزلرينه
باش قويميشم خان صيادينگ يولينه
قال مراريم گؤزی ياشلی قال ايندی
سلبنازدير چونکه اولدينگ روانه
غم اوخنه کؤنگليم ايتدينگ نشانه
قويمه ديدارلری آخر زمانه
گيت همراهيم ساغليق ايلدن گله¬سن
آهنگ: آزاد خان / روايت: طاهر زهره
اولدورمه اولدورمه عرضيم ايليم
بيگناهم تقصيريم يوخ خان عمو
قولی باغلو من قاپووه گلميشم
دوتر ناحق قانيم سنی خان عمو
گؤزل ککليک کيمين سسه گليبدور
سياه زلفين آسه آسه گليبدور
زهره ياريم التماسه گليبدور
اولدورمه باغشله شونه خان عمو
بهار گيدوب باغلر توتدی خزانی
قسمتميز بيله يازميش ازلی
تا گورديم تانيديم زهره گؤزلی
يانينده دوروبدور قزين خان عمو
قوم و قارداش يوخ گلسه يانمه
ظالم ملا سوسوق راقدی قانمه
طاهردير بير اوت سالدی جانمه
تا که ساتميش من يانر من خان عمو
آهنگ: حسين يار /
روايت: شاه اسماعيل
منيم پيريم شاه¬مردان علی¬دور
غايبلر سريندن منه بير مدد
ايکی انگشتی¬نن آلان خيبری
غضبدن آسمانه آتاندن مدد
مسجده آلمنی ايکی بيل بولان
معراجده رسولين اوزوگين آلان
يوزمينگ ايل آدمدن ايلری اولان
قره¬ديم برماقين چاتاندن مدد
شاهلرين شاهی¬دور عاشقلر پيری
چالدی قليچ بيلدی يدی قد يری
اولدوردی اژدری اوکلدی شيری
اوز اوزين بازاره سالندن مدد
سو وربان تشنه¬لری دويدوران
جبرائيلين قنه¬دينی سيندران
من عاشقم قراگؤزلی گلزاره
درويشليق کوهنه يتندن مدد
منبع: هزارک
تألیف: سعید طهرانی زاده
عکس تیتر: سایت کارناوال