اَندی مَن بَزوم ، از راه و بی‌راه

andi man bazom,az rā-o-bi rā

اَندی من بَزوم ، این راه و اُن راه

andi man bazom,in rā-o- on rā

اَندی دوش بَزوم من ، بِرنوئِه کوتاه

andi dus bazom man,bernoe kutā

عبّاس‌گالش دَبی سِمِرو سِرا

abbās gāles dabi semeru serā

عبّاس‌گالش بی ، یَک مردِ شِجاع

abbās gāles bi,yak marde sejā

یار بِنالِم مَن یار عَبّاس اِی

yār benālem man yār abbās ey

عبّاس دَستگاه رِ بَزو سِمِرو سِرا [2]

abbās dasgā re bazo semeru serā

حِوالِه رِ بَنویشت بِرا حاج میدی سیا[3] 

hevāle re banvist berā hāj midi siyā       

ده تومِن پول بیار سِمِرو سِرا

da tumen pul biyār semeru serā           

حاج میدی حِواله رِ بَوِردِه گرگان

hāj midi hevāle re baverde goe rgān    

هِدا دَست فرمانده تیپ آقا

hedā daste farmānde tip āqā              

یا بَکُش مَن رِ ، یا هاکُنْ چاره

yā bakoe s man re, yā hākoe n cāre        

یار بِنالِم مَن یار عَبّاس اِی

yār benālem man yār abbās ey           

تیمسار دستور هِدا جناب سروان [4] را

timsār dastur hedā jenāb sarvān rā

بیستا سرباز گیرنی شوندی سِمِروسِرا

bistā sarbāz girni sundi semeruserā

دستگیر کُندی عباس گالش را

dasgir koe ndi abbās gāles rā

رِوانه هابی ماشینِ سَربازا

revāne hābi māsine sarbāzā

ماشین بُوئَردِه ميانِ جَنگلا

masin boa  rde miyāne jangalā

یارْ بِنالِم مَن یار عَبّاس اِی

yār benālem man yār abbās ey

بُوئَردِن بَدین عبّاس‌گالِش، خُو دَرِ لالا

boa rden badin abbās gāles , xo dare lālā

رِفیقِ‌عبّاس‌ابراهیم‌شازده‌چُرت‌زَندِه‌اونجا

refiqe abbās ebrāhim sāzde cort zande onjā

رِفیقِ‌عبّاس‌ابراهیم شازده بِگُرُوخت بالیا

refiqe abbās ebrāhim sāzde begoroxt bāliyā

سه تا ایست هِدا جنابِ سَروان

se tā ist hedā jenābe sarvān

گوش نَکُرد به ایستِ جنابِ سَروان

gus nakoe rd be iste jenābe sarvān

یار بِنالِم مَن یار عَبّاس اِی

yār benālem man yār abbās ey

توفَنگِ سَروان، هاکُردِه صدا

tufange sarvān , hākoe rde sedā

رفیقِ عباس،ابراهیم شازده هابی کَلِّه‌پا

refiqe abbās,ebrāhim sāzde hābi kallepā

یَه مَرتِبه عباس بَپِّری ـ اَ ـ خُو

ya martebe abbās bapperi-a-xo

نامَردی بَئیتین اینجِه من را

nāmardi baitin inje man rā

اَگه من بیدار بُکُردِم وَالله

age man bidār bokoe rdem vallā

اَمرو تیکه‌تیکه کُردِم شِما را

amru tiketike koe rdem semā rā

یار بِنالِم مَن یار عَبّاس اِی

yār benālem man yār abbās ey

ماشین راه دَكِّت سونِ پادِگان

māsin rā dakket sune pādegān

سرباز زَندِه چَکِّه ، کيشَندِه هورا

sarbāz zande cakke,kisande hurā

عبّاس رِ بیاردِن ميانِ پادگان

abbās re biyārden miyāne pādegān

جَم‌هابین اَفسَرا به دور عبّاس

jam hābin afsarā be dore abbās

قیافه عبّاس رِ کُندِن نیگا

qiyāfe abbās re koe nden nigā

عبّاس خَیلی فُحش دِند به این اَفْسَرا

abbās xayli fos den be in afsarā

مَگه من رِ سینِما بیاردین شِما

mage man re sinemā biyārdin semā

یار بِنالِم مَن یار عَبّاس اِی

yār benālem man yār abbās ey

عبّاس رِ بَوِردِن میانِ دادگاه

abbās re baverden miyāne dādgā

بی‌سیم بَزُواِن بِرايِ تیران

bisim bazoen berāye tirān

دستگیر هاکُردیم عبّاس‌گالش را

dasgir hākoe rdim abbās gāles rā

حُکمِ عبّاس بیامبوئِه ـ اَ ـ تیران

hokme abbās biyāmboe-a-tirān

شِما دار بَزِنین ميدانِ گرگان

semā dār bazenin midāne goe rgān

تیمساردستورهِدا

timsār dastur hedā

‌دارِکوک هاکُنین ، ميدانِ‌گرگان

dāre kuk hākoe nin, midāne goe rgān

یار بِنالِم مَن یار عَبّاس اِی

yār benālem man yār abbās ey

آمبولانس بُوئَردِه دَرِ زيندان

āmbolāns boa rde  dare zindān

عبّاس رِ بیاردِن ميدانِ گرگان

abbās re biyārden midāne goe rgān

عبّاس چِشمِش به دار دَکِّت اونجا

abbās cesmes be dār dakket onjā

خَندِش بَئیت عَبّاس‌گالش را

xandes bait abbās gāles rā

بِئوت این دار هَستِ مالِ مَردا

beut in dār haste māle mardā

ولی هَمِتان نامَردین شِما

vali hametān nāmardin semā

فِشنگ‌و‌توفَنگ هِدائین شِما

fesang-o- tufang hedāin semā

بیشتَرِشِ جان ، بُخُوردین شِما

bistarese jān,boxoe rdin semā

یار بِنالِم مَن یار عَبّاس اِی

yār benālem man yār abbās ey

عبّاس بِئوت بیارین زن و وَچِّه‌ من را

abbās beut biyārin zan-o-vacce man rā

تا مَن هاکُنِم وصیّت وِداع

tā man hākoe nem vasiyyat vedā

بیاردِن زن و وَچِّه عبّاس را

biyārden zan-o-vacce abbās rā

عبّاس‌ پِسَرِش رِ بَئیت تو بِغَل

abbās pesares re bait tu beqal

بابا اَگه بِماندی به دِنیا

bābā age bemāndi be denyā

اوّل کُشَندی حاج‌میدی‌سیا

avval koe sandi hāj midi siyā

دی‌يِم کُشَندی جِناب‌‌سروان‌ را

diyem koe sandi jenāb sarvān rā

یار بِنالِم مَن یار عَبّاس اِی

yār benālem man yār abbās ey